Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 23/04 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 23/04 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 22/04 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Mwendesha mashitaka akata rufaa dhidi ya uamuzi wa kuachiliwa huru Gbagbo na Ble Goude

media Rais wa zamani wa Cote d'Ivoire ataendelea kusubiri ili kuona kama ataachiliwa huru au la. © Peter Dejong/Pool via REUTERS

Rais wa zamani wa Cote d'Ivoire Laurent Gbagbo na waziri wake wa zamani Charles Ble Goude huenda wakaendelea kusalia kwa muda mrefu kuliko ilivyotarajiwa katika jela la Scheveningen.

Jumatano jioni Mwendesha mashitaka wa ICC Fatou Bensouda alikata rufaa dhidi ya uamuzi wa kuachiliwa huru siku moja baada ya ICC kumfutia mashataka Gbagbo na msaidizi wake Charles Ble Goude na kuamuru waachiliwe huru.

Mwendesha mashtaka wa Mahakama ya Kimataifa (ICC), Fatou Bensouda, ameomba Laurent Gbagbo na Charles Ble Goude kuendelea kuzuiliwa jela, wakati anaendelea kupata na kutathmini sababu zilizopelekea majaji kuamua kuachiliwa huru.

Fatou Bensouda ana hofu kwamba rais wa zamani wa Cote d'Ivoire na waziri wake wa zamani wanaweza kutoroka kabla ya kuendelea kwa kesi dhidi yao.

Alhamisi wiki hii majaji watano wa Mahakama ya Rufaa wanatarajia kuamua kama wanakubali au la rufaa ya mwendesha mashtaka iliyowasilishwa Jumatano jioni. Kama ombi la mwendesha mashitaka litakubaliwa Laurent Gbagbo na Charles Ble Goude wataendelea kuzuiliwa katika kituo jela la Scheveningen.

Kwa upande mwingine, ikiwa majaji watano watakataa rufaa na kuthibitisha uamuzi wa mahakama wa kuwafutia mashitaka, hatua itakayofauata ni kuachiliwa huru bila masharti.

Tayari nchi ya Ubelgiji imekubali kumpokea Laurent Gbagbo kama ataachiliwa huru.

Kuhusu mada hiyo hiyo
 
Samahani, mwunganisho na sava umeshindikana