Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Sintofahamu yaendelea DRC siku tatu kabla ya kutangazwa matokeo ya uchaguzi

media Mji wa Kinshasa, mji mkuu wa DRC. © CC 2.0/MONUSCO/Myriam Asmani

Siku tatu kabla ya kutangazwa matokeo ya uchaguzi nchini DRC, hali ya wasiwasi imeendelea kujitokeza huku mitambo ya radio ya kimataifa RFI ikizimwa. Hali hii inajitokeza siku mbili baada ya serikali kuchukua uamuzi wa kufunga huduma ya intaneti nchi nzima.

Wakati huo huo mwandishi wa Habari wa RFI Florence Morice mjini Kinshasa, amenyang'anywa kibali kinachomruhusu kufanya kazi nchini DRC. Serikali ya DRC inamshtumu mwandishi wa habari wa RFI kwamba alijaribu kurusha baadhi ya matokeo ya uchaguzi wa urais uliofanyika siku ya Jumapili Desemba 30. Madai ambayo RFI imefutilia mbali na kuomba hatua hiyo ifutwe mara moja.

Radio France Internationale inakumbusha kwamba inaheshimu na iliheshimu hatua iliyochukuliwa na mamlaka nchini DRC ya kutotangaza matokeo ya uchaguzi kabla ya muda uliyowekwa na Tume ya Uchaguzi.

RFI inabaini kwamba itarusha matokeo ya Uchaguzi Mkuu ambayo yatakuwa yametangazwa na Tume ya Uchaguzi (CENI) kulingana na sheria.

Uongozi wa RFI unasema unasikitishwa na uamuzi wa kuzima mitambo yake nchini DRC tangu siku ya Jumanne wiki hii. Mitambo ya RFI katika miji ya Kinshasa, Goma, Bukavu, Kisangani, Lubumbashi, Mbandaka, Matadi na Mbuji Mayi, yote imezimwa.

Wanasiasa mbalimbali nchini DRC na wanaharakati wa mashirika ya kiraia wamekosoa hatua hiyo ya serikali ya DRC.

Kwa upande wa Jean-Pierre Bemba, makamu wa zamani wa rais wa DRC na kiongozi wa muungano wa upinzani Lamuka amesema, ikiwa RFI imezimiwa mitambo, ni kwa sababu imefanya kazi yake.

Hatua hiyo ya serikali ya DRC dhidi ya RFI imekosolewa vikali na shirika la Waandishi wa Habari Wasio na Mipaka (RSF).

RSF inaona kuwa hatua hiyo ni ukandamizaji wa uhuru wa vyombo vya habari unaoendelea nchini DRC.

Matokeo ya uchaguzi nchini DRC yanatarajiwa kutangazwa Jumapili Januari 6, 2019.

Kuhusu mada hiyo hiyo
 
Samahani, mwunganisho na sava umeshindikana