Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 23/03 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 23/03 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/03 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Emmanuel Shadary anadi sera yake katika kapmeni za kisiasa DRC

media Mgombea wa chama tawala DRC, Emmanuel Ramazani Shadary, anadi mpango wake kwa uchaguzi wa urais wa Desemba 23, Kinshasa, Novemba 19, 2018. REUTERS/Kenny Katombe

Mgombea wa muungano wa vyama vinavyoshiriki serikalini nchini DRC (FCC) Emmanuel Ramazani Shadary hatimaye amenadi mpango wake, iwapo atafanikiwa kuchaguliwa kama rais wa nchi hiyo. Itahitaji dola bilioni 86 ili kutekeleza mpamgo huo kwa muda wa miaka mitano. Ameahidi kuimarisha mamlaka ya nchi.

Ni mpango kabambe ambao Emmanuel Ramazani Shadary alizungumzia kwa zaidi ya saa mbili. Mpango huo ni sawa na dola bilioni 86 katika kipindi cha miaka mitano, dhidi dola bilioni 5 ya bajeti ya nchi hiyo mnamo mwaka 2018. Mpango huo unajumuisha mambo manne: "Kuimarisha mamlaka ya nchi na kuboresha utawala wa umma, kuimariha uchumi katika nyanja mbalimbali na ushindani, mapambano dhidi ya umaskini na kuweka sawa mambo mablimbali ya nchi yetu, DRC, "amesema Emmanuel Ramazani Shadary.

Mgombea wa FCC amehadi hasa kutoa ajira 100,000 kufikia mwaka 2020, kuboresha masuala ya upatikanaji wa maji, umeme, mishahara bora kwa walimu na maafisa wa usalama na ugawaji bora wa rasilimali kubwa za taifa. Katika kupambana dhidi ya "ufisadi" na rushwa: "Nitahakikisha kuwa sheria inafanya kazi, ikiwa ni pamoja na matumizi mabaya ya madaraka, kutoadhibu wahalifu, rushwa, ufisadi unaofanywa katika ngazi zote , nitahakikisha vinashughulikiwa kwa mujibu wa sheria za Jamhuri ".

Emmanuel Ramazani pia amempongeza Rais Joseph Kabila ambaye amemtaja kama "mbunifu wa demokrasia ya DRCongo" na ameahidi kuendeleza sera hiyo ikiwa "atachaguliwa kama rais."

Kuhusu mada hiyo hiyo
 
Samahani, mwunganisho na sava umeshindikana