Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 22/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 22/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 22/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

DRC: Waasi wa ADF waua raia 11 na kuteka 15 kwenye mji wa Beni

media Picha ya maktaba ikiwaonesha wanajeshi wa Serikali ya DRC wanaopambana na wapiganaji waasi mashariki mwa nchi hiyo Reuters

Waasi wenye silaha wamewaua watu 11 na kuwateka wengine 15 wakiwemo watoto 10, katika shambulio walilotekeleza usiku wa kuamkia leo kwenye mji wa Beni mashariki mwa nchi ya Jamhuri ya Kidemokrasia Kongo.

Polisi kwenye mji huo wanasema wamefanikiwa kupata miili 11 ya raia waliouawa kwenye mji wa Matete kaskazini mwa Beni na kuongeza kuwa watoto waliotekwa wana kati ya umri wa miaka 5 hadi 10.

Msemaji wa jeshi la Serikali la FARDC, Mak Hazukay, amesema wanahofia kuwa wapiganaji waasi wa Uganda wa ADF ndio wamehusika katika shambulio hilo.

Kwenye taarifa yake jeshi limesema baada ya kupokea taarifa kuhusu mashambulizi haya, kikosi maalumu kilitumwa na kufanikiwa kuwadhibiti wapiganaji, ambapo imeongeza kuwa miongoni mwa waliouawa wamo pia wanajeshi wa Serikali.

Wakazi wa mji wa Matete walioshuhudia mashambulizi hayo, wamethibitisba kushuhudia miili ya wanajeshi wawili wa Serikali kwenye eneo la tukio.

Awali kabla ya taarifa ya jeshi la Serikali, msemaji wa jeshi la walinda amani wa umoja wa mataifam, alithibitisha vikosi vyao kukabiliana na wapiganani waliokuwa na silaha jirani na mji wa Beni kwenye eneo linalopakana na nchi ya Uganda.

Kuhusu mada hiyo hiyo
 
Samahani, mwunganisho na sava umeshindikana