sikiliza tena
Mtazamo Wako Kwa Yaliyojiri Wiki Hii
Viongozi wa waandamanaji na wa kijeshi …
Luteni Jenerali Mohamed Hamdan Dagalo, mkuu wa baraza la kijeshi la Sudan katika Mkutano kwenye kijiji cha Aprag,tarehe juni 22 2019.
 
Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Watu zaidi ya 12 wauawa katika shambulio nchini Mali

media Askari wa Mali mbele ya helikopta iliyombeba Waziri Mkuu wa Mali, Menaka, Mei 9, 2018. © AFP

Watu zaidi ya 12 kutoka jamii ya Tuareg wameuawa na kundi la watu wasiojulikana kaskazini mashariki mwa Mali karibu na mpaka na Nigeria. Mashahidi wanasema washambuliaji walikuwa kwenye pikipiki

Takribani watu 200, wengi wao wakiwa ni raia wa kawaida, hasa kutoka jamii za Fulani na Tuareg, wameuawa tangu mwanzoni mwa mwaka huu katika eneo hilo, ambako mapigano yanaendelea kati ya kundi la wanajihadi wenye mafungamano na kundi la Islamic State (IS) na makundi mawili ya wapiganaji hasa kutoka jamii ya Tuareg (Gatia na MSA) yanayosaidiwa na kikosi cha askari wa Ufaransa (Barkhane) pamoja na jeshi la Mali.

Shambulizi lilitokea kilomita 45 magharibi mwa Menaka, jiji kuu la ukanda huo, kwa mujibu wa afisa aliyechaguliwa katika eneo hilo, chanzo cha usalama wa ndani na taarifa kutoka kwa kundi la wapiganaji la MSA (Movement for the Salvation of Azawad, kutoka kundi la zamani waasi).

"Watu wenye silaha waliokuwa kwenye pikipiki waliua leo (Jumanne) raia kumi na wawili," afisa huyo aliliambia shirika la Habari la AFPakinukuu mkaazi mmoja wa mji huo alioshuhudia tukio hilo. "Kwa sasa, hatujui waliohusika na amauaji hayo, sijui kama ni matokeo ya migogoro kati ya makabila, au kitendo cha kigaidi."

Chanzo cha usalama wa eneo hilo kimethibitisha "mauaji ya raia wasiopungua 12", kikiongeza kuwa "baadhi ya vyanzo vinasema kumi na mbili, vingine kumi na sita". "Vijana ni miongoni mwa watu wengi waliouawa".

Katika taarifa yake, kundi la wapiganaji la MSA limesema kuwa "watu wenye silaha waliokuwa kwenye pikipiki waliua raia 17 kutokaa kambi mbili za watu kutoka jamii ya Tuareg.

Katika ripoti ya Baraza la Usalama la Umoja wa Mataifa mwezi Agosti, kundi la wataalam lilibainisha kuwa migogoro kati ya jamii katika kanda hiyo, kuhusu nyadhifa serikalini, udhibiti wa maeneo ya kibiashara, malisho na kumiliki visima, kumeongeza mvutano unaotokana na mapigano kati ya wanajihadi na majeshi ya kimataifa na yale ya Mali.

Kuhusu mada hiyo hiyo
 
Samahani, mwunganisho na sava umeshindikana