Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 24/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Roketi zaanguka kando ya uwanja wa ndege wa Tripoli

media Abiria wakiwasili kwenye uwanja wa ndege wa Mitiga, Tripoli, Libya, Januari 20, 2018. © AFP

Mapigano yanaendelea nchini Libya, hasa karibu na mji mkuu wa nchi hiyo Tripoli. Kwa mujibu wa chanzo cha mamlaka ya uwanja wa ndege wa Tripoli, roketi kadhaa zimeanguka pembezoni mwa uwanja huo, bila hata hivyo kusababisha hasara yoyote.

Ndege ya shirika la ndege la Libya la Libya Airlines ambayo imekua ikifanya safari kati ya Alexandria (Misri) na Tripoli imeamua kutua katika uwanja wa ndege wa Misrata, kilomita 200 mashariki kutoka mji mkuu wa Libya, chanzo hicho ambacho hakikutaja jina kimesema.

"Maandalizi yanaendelea kuhusu kuhamisha ndege kutoka Mitiga" kwenda Misrata, chanzo hicho kimesema.

Uwanja wa ndege wa Mitiga, kaskazini mwa Tripoli, ulifungwa kuanzia Agosti 31 hadi Septemba 6 kutokana na mapigano kati ya makundi hasimu ya waasi karibu na mji mkuu.

Angalau makombora matatu yalianguka karibu na uwanja wa ndege mwishoni mwa Agosti, na kupelekea mamlaka ya uwanja wa ndege kufuta safari za ndege na hivyo kuzitaka ndege kuthamia kwenye uwanja wa ndege wa Misrata.

Uwanja wa ndege wa Mitiga ulifunguliwa upya Septemba 7 baada ya kutiliwa saini, chini ya mwamvuli wa Umoja wa Mataifa, mkataba wa kusitisha mapigano kati ya wanamgambo hasimu waliohusika katika makabiliano makali kusini mwa Tripoli.

Kuhusu mada hiyo hiyo
 
Samahani, mwunganisho na sava umeshindikana