Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Upinzani wajaribu kumteua mgombea mmoja katika uchaguzi DRC

media Felix Tshisekedi na wawakilishi wengine wa upinzani watoa wito kwa vyama vingine vya upinzani kuteua mgombea mmoja katika uchaguzi wa Desemba 23. JUNIOR D. KANNAH / AFP

Upinzani nchini DRC umetoa wito kwa vyama vyote vya upinzani kuungana n akumteua mgombea mmoja pekee atakaye pambana na mgombea wa chama tawala na washirika wake katika uchaguzi wa urais wa Desemba 23.

Upinzani pia unataka serikali kufuta hatua zake dhidi ya Moise Katumbi na kumuachia aweze kurudi nyumbani. Kiongozi wa chama cha UDPS Felix Tshisekedi, Vital Kamerhe kiongozi wa chama chaUNC na kiongozi wa Congo na Biso Freddy Matungulu, walikuepo katika sherehe ya kutafuta mgombea wa upinzani Jumatatu wiki hii.

Jean-Pierre Bemba Gombo kiongozi wa chama cha MLC na Gavana wa zamani wa mkoa wa Katanga Moise Katumbi Chapwe waliwakilishwa katika sherehe hiyo. Hata hivyo chama cha ECiDé kinachoongozwa na Martin Fayulu hakikuepo katika sherehe hiyo.

Wagombea sita waliotia saini kwenye tamko la pamoja la upinzani wamekaribisha msimamo wa Joseph Kabila, ambaye hatimaye alikubali kuheshimu katiba, kwa kutowania muhula wa tatu katika uchaguzi wa Desemba 23. Upinzani, umesema huo ni ushindi wa kihistoria kwa wananchi wa DRC.

Hayo yanajiri wakati ambapo Tume ya Uchaguzi CENI imefahamisha kupokea na kusajili majina ya watu 25 ambao watagombea kiti cha urais katika uchaguzi mkuu unaotarajiwa kufanyika Disemba 23. Miongoni mwa wagombea hao yumo mwanamke mmoja.

Wagombea wa kiti cha urais walisajliwa kuanzia Julai 25 na kumalizika Agosti 8.

Miongoni mwa wagombea yumo pia msemaji wa mwisho wa rais wa zamani Mobutu, Tryphon Kin-Kiey Mulumba ambe pia alikuwa mstari wa kwanza kumtetea rais Kabila kusalia madarakani na muhula wake wa tatu.

Jean-Pierre Bemba, Félix , Vital Kamerhe ndio wagombea wakubwa, wapinzani wa chama tawala na uongozi wa rais Joseph Kabila.

José-Marie Ifoku ndio mgombea pekee mwanamke aliejiandiakisha kugombea kiti cha urais katika uchaguzi huo.

Kuhusu mada hiyo hiyo
 
Samahani, mwunganisho na sava umeshindikana