Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Habari mpya kabisa
  • Soka: PSG-Manchester United na Lyon-Barça watarajia kujitupa uwanjani katika Ligi ya Mabingwa
  • Olympique Lyonnais yatarajia kumenyana na FC Barcelona katika mzunguko wa nane wa Ligi ya Mabingwa
  • Vizibao vya njano: Rais Macron atarajia kufanya mkutano kuhusu mjadala mkubwa Jumatano wiki hii
Afrika

Al Shabab washambulia kambi ya jeshi Somalia

media Uharibifu unaofanywa na Al Shabab, Somalia. REUTERS/Feisal Omar

Wapiganaji wa Al Shabab waliokua wamejihami kwa silaha za kivita wameendesha shambulio dhidi ya kambi moja ya jeshi kusini mwa Somalia, na kuua watu kadhaa, kwa mujibu wa vyanzo vya kijeshi na mashahidi.

Kwa mujibu wa vyanzo vya kijeshi katika eneo hilo, shambulizi hilo lililenga kambi ya kijeshi ya Bar-sanguni, kilomita 40 kaskazini mwa mji mkuu wa eneo hilo Kismayo.

Washambuliaji wa kujitoa muhanga walifaulu kuingiza gari lao lililokua limejaa vilipuzi kabla ya wapiganaji wa Boko Haram waliokua wamejihami kwa silaha za kivita kushambulia kambi ya kijeshi. Ufyatulianaji risasi ulidumu muda wa saa moja

"Al Shabab walishambuliwakambi ya kijeshi ya Bar-sanguni mapema leo asubuhi na mapigano yaikuwa makali.Vikosi vya ulinzi vya Somalia viliweza kuwarudisha nyuma wapiganaji wa Al Shabab lakini pande zote mbili zimepoteza wapiganaji," amesema Mohamed Bile, kamanda wa jeshi akihojiwa kwa simu kutoka kijiji jirani.

"Hatujakua na idadi kamili ya watu waliouawa katika shambulizi hilo, lakini huenda wakawa zaidi ya kumi," ameongeza.

Kundi la Al Shabab, lenye mafungamano na al-Qaida, limedai katika taarifa yake kuwa limeuawa askari 27 wa Somalia katika kambi hiyo "iliyojengwa na Marekani kwa wanamgambo waliopteza imani".

Al Shabab wanapiga kwa zaidi ya miaka kumi ili kuiangusha serikali ya Mogadishu, inayoungwa mkono na jumuiya ya kimataifa.

Ingawa wamepoteza miji kadhaa na wilaya katika miaka ya hivi karibuni, kundi hili linaendelea kufanya mashambulizi ya mara kwa mara dhidi ya serikali, vikosi vya usalama au raia mjini Mogadishu na nje ya mji mkuu.

Kuhusu mada hiyo hiyo
 
Samahani, mwunganisho na sava umeshindikana