Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Eritrea yafungua ubalozi wake Ethiopia

media Rais wa Eritrea, Issaias Afeworki. Reuters

Rais wa Eritrea Issaias Afeworki amefungua Jumatatu wiki hii ubalozi wa nchi yake nchini Ethiopia, ubalozi ambao uliendelea kufungwa kwa miaka 20 baada ya kuzuka uhasama wa uhusiano wa kidiplomasia kati ya nchi hizi mbili jirani za Pembe la Afrika.

Ufunguzi wa ubalozi huu Addis Ababa unahitmisha siku tatu za ziara rasmi ya rais wa Eritrea nchini Ethiopia. Ufunguzi ambao unalenga kukuza uhusiano na kusitisha vita vya miaka ishirini kati ya nchi hizo mbili.

Ziara hiyo ilikuja siku chache baada ya kusainiwa Julai 9 huko Asmara, wakati wa ziara ya Waziri Mkuu wa Ethiopia Abiy Ahmed, "tamko la pamoja la amani na ushirikiano" ambalo lilimaliza miaka miwili nchi hizi mbili zikiwa katika mgogoro mkubwa wa kivita.

Picha zilizorushwa na televisheni ya Ethiopia EBC zimeonyesha Bw Isaias akipandisha bendera ya Eritrea na kukubali kupokea funguzo za jengo la ubalozi kutoka mikononi mwa Waziri Mkuu wa Ethiopia Abiy Ahmed.

Katika siku hizi tatu za ziara yake, Bw Issaias pia alitembelea Hifadhi muhimu ya viwanda na kuchangia chakula cha jioni na tamasha iliyohudhuria na maelfu ya wananchi wa Ethiopia.

EBC inaarifu kuwa rais wa Eritrea aliondoka Addis Ababa na kurudi Asmara mara baada ya sherehe za ufunguzi wa ubalozi wa Eritrea nchini Ethiopia.

Ethiopia na Eritrea waliwafukuza wanadiplomasia wao mwanzoni mwa vita kati ya mwaka 1998 na 2000, hasa kwa sababu ya kutokubaliana kuhusu mpaka wao wa pamoja, vita ambavyo vilisababisha vifo vya watu 80,000.

Kuhusu mada hiyo hiyo
 
Samahani, mwunganisho na sava umeshindikana