Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 27/05 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 27/05 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 26/05 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika
DRC

Kivu Kaskazini yaendelea kukumbwa na visa vya utekaji nyara

media Malori yakisubiri kusindikizwa na vikosi vya usalama kwa kuvuka Hifadhi ya wanyama ya Virunga, Kivu Kaskazini. RFI/Sonia Rolley

Baada ya kuripotiwa visa vya utekaji nyara vya mara kwa mara jijini Goma, mkoani Kivu Kaskazini,wanasheria kwa ushirikiano na mashirika ya kiraia jijini humo wametoa wito kwa viongozi wa serikali nchini Congo pamoja na mashirika ya mawasiliano kujitahidi katika kupambana dhidi ya visa hivyo sugu mkoani humo.

Katika kipindi kisichozidi mwezi mmoja watu zaidi ya watatu wametekwa nyara katika mkoa wa Kivu Kaskazini. Baadhi ya mateka walifanyiwa mateso na kuzitaka familia zao kulipa fidia ili waweze kuachiwa.

Wanasheria Kaskazini mwa mkoa huo wanasema wamechoshwa na visa hivyo na ukimya wa serikali. Wamewataka viongozi serikalini hasa vikosi vya usalama na ulinzi kujihusisha zaidi katika mapambano dhidi ya visa vya utekaji nyara ambayo vimekithiri mkoani humo.

Mashahidi wanasema makundi hayo ya wa wahalifu yamekua yakitumia nambari za mashirika ya mawasiliano kwa kulazimisha kulipwa fedha. Airtel Money ni miongoni mwa mashirika ambayo makundi hayo yamekua yakizitaka familia za mateka wanaoshikilia kuweka pesa ili waweze kuachiwa.

Baadhi ya familia ambazo zililazimika kutoa fedha hizo zimekua zikijizuia kueleza chochote kwa kile kilowasibu.

Viongozi tawala katika mkoa wa Kivu Kaskazini wamevitaka vikosi vya usalama na ulinzi kuwa makini na kuzidisha doria kwa minajili ya kupambana dhidi utekaji nyara.

“Wanaoteka nyara raïa jijini Goma sasa ni wengi, wanajeshi wetu tunaomba wajitahidi zaidi dhidi ya visa hivi. Nao raia wetu wawe makini, “ Meya wa jiji la Goma Muisaa Kense Timothee.

Wakati huo huo shirika linalotetea haki za binadamu nchini DR Congo La Voix de Sans Voix, limetoa wito kwa serikali ya nchi hiyo kutathmini usalama wa wananchi wake, baada ya tukio la uvamizi mwishoni mwa juma katika kanisa moja jijini Kinshasa na kuwapora waumini na kumjeruhi Mwinjilisti Jean Jacques Muwawa.

Shirika hilo limeitaka serikali kuanzisha uchunguzi kubaini wahusika wa tukio hilo.

Kuhusu mada hiyo hiyo
 
Samahani, mwunganisho na sava umeshindikana