Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/05 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/05 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/05 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Waziri Mkuu mpya wa Ethiopia atawazwa

media Waziri Mkuu wa Ethiopia Abiye Ahmed (picha). REUTERS/Tiksa Negeri

Waziri Mkuu mpya wa Ethiopia Abiye Ahmed, ambaye aliahidi kutekeleza mageuzi ya kidemokrasia, ikiwa ni pamoja na kupunguza matatizo ya mvutano wa kikabila katika jimbo la Oromiya anakotoka, ameapishwa leo Jumatatu mbele ya bunge.

Hii ni mara ya kwanza katika historia ya Ethiopia mtu kutoka kabila ya Oromo kuwa waziri mkuu nchini Ethiopia.

Wiki iliyopita muungano wa vyama vilivyo madarakani ulimteua Abiye Ahmed, afisa wa zamani wa ngazi ya juu katika jeshi la Ethiopia, mwenye umri wa miaka 42, kumrithi Hailemariam Desalegn, ambaye alijiuzulu ili kufungua njia ya mageuzi.

Mkoa wa Oromiya unaozunguka mji wa Addis Ababa unakabiliwa na machafuko tangu mwaka 2015. Machafuko hayo yamesababishwa kwa kiasi kikubwa na hisia ya kubaguliwa kwa watu wengi kutoka kabila la Oromo, ambayo ina karibu theluthi moja ya wakazi milioni 100 wa Ethiopia.

Chama cha Revolutionary Democratic Front (EPRDF) kipo madarakani tangu kuchukua uongozi baada ya mapinduzi ya kijeshi ya Derg mwaka 1991. Machafuko katika jimbo la Oromiya yamekua ni tishio kubwa kwa kuendelea kusalia madarakani tangu wakati huo. EPRDF ni muungano unaojumuisha vyama kadhaa vya siasa, ikiwa ni pamoja na chama kinachoundwa na watu wengi kutoka kabila la Oromo.

Abiye ameapishwa katika sherehe iliyohudhuria na baadhi ya wanasiasa wa upinzani waliokuwa wamealikwa.

Kuhusu mada hiyo hiyo
 
Samahani, mwunganisho na sava umeshindikana