Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Chama tawala Ethiopia kimechagua waziri mkuu mpya

media Waziri mkuu wa Ethiopia, Hailemariam Desalegn. REUTERS/Tiksa Negeri

Muungano wa vyama vinavyounda Serikali nchini Ethiopia vimemchagua Abiy Ahmed kutoka kwenye kabila kubwa la Oromom uteuzi ambao umetoa fursa ya yeye kuwa waziri mkuu.

Kama kiongozi wa chama cha Ethiopian Revolutionary Democratic Front, Abiy anatarajiwa kuchukua madaraka kutoka kwa Hailemariam Desalegn ambaye alitangaza kujiuzulu mwezi uliopita katika uamuzi wa kushtukiza baada ya miaka miwili ya maandamano kuipinga Serikali.

"Baraza la EPRDF limemchagua Dr Abiy Ahmed kama kiongozi wa chama," imesema taarifa ya kituo cha televisheni ya taifa.

Abiy atakuwa waziri mkuu wa kwanza kutoka kabila la Oromo katika kipindi cha miaka 27 ya utawala wa chama cha EPRDF ambacho tangu kuingia kwake madarakani kimefanikiwa kubadili uchumi wa taifa hilo.

Licha ya mvutano wa kikabila wananchi wengi wa Ethiopia wana imani kuwa Abiy atabadili uelekeo wa chama tawala ambacho kilichukua madaraka mwaka 1991 kutoka kwa utawala wa kijeshi.

Mwaka 2015 hasira dhidi ya chama tawala iliongezeka na kusababisha wanaharakati wa eneo la Oromo kuanzisha maandamani ya kuipinga Serikali maandamano ambayo yameshuhudia mamia ya watu wakipoteza maisha.

Kabila la pili kwa ukubwa nchini humo la Amharas baadae walijiunga kwenye maandamano ambayo hata hivyo lilijiondoa baada ya Serikali kutangaza miezi 10 ya hali ya hatari.

Kuhusu mada hiyo hiyo
 
Samahani, mwunganisho na sava umeshindikana