sikiliza tena
Mtazamo Wako Kwa Yaliyojiri Wiki Hii
Mazungumzo ya amani kuanza Sudan, rais …
Rais wa DRC Felix Tshisekedi akiwa na mwenyeji wake rais wa Tanzania John Magufuli. 13 Juni 2019
 
Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Wananchi wa Misri wanapiga kura kuchagua rais katika uchaguzi tata

media Wanajeshi wa Misri wakimkagua mmoja wa wapiga kura jijini Cairo, ulinzi umeimarishwa kwenye vituo vyote vya kupiga kura. Machi 26, 2018 REUTERS/Amr Abdallah Dalsh

Wananchi wa Misri wanapiga kura Jumatatu ya wiki hii kuchagua rais kati ya rais wa sasa Abdel Fattah al-Sisi na mgombea mwingine mdogo ambaye anakabiliwa na ukosoaji mkubwa kuwa ni kibaraka wa Sisi

Vituo vya kupigia kura vilifunguliwa majita ya 7 asubuhi katika zoezi litakalochukua siku tatu ambapo rais al-Sisi anatarajiwa kushinda kwa muhula wa pili wa kipindi cha miaka minne.

Usalama umeimarishwa nchi nzima kutokana na tishio la kutekelezwa mashambulizi na wapiganaji wa kiislamu wa Islamic State ambao wametishia kushambulia maeneo ya mitambo ya kupokelea matokeo na hata kwenye vituo.

Siku ya Jumamosi polisi wawili waliuawa katika shambulio la bomu kwa kutumia gari, shambulio likilenga msafara wa mkuu wa usalama kwenye jimbo la Alexandria.

Jumla ya wapiga kura milioni 60 wameandikishwa kupiga kura katika taifa ambalo asilimia kubwa raia wake ni waarabu.

Wananchi wakiwa wamepanga mstari kujianda kwa kupiga kura mjini Alexandria. Machi 26, 2018. REUTERS/Mohamed Abd El Ghany

Wananchi watapiga kura kuanzia Machi 26, 27 na 28 na matokeo rasmi yanatarajiwa kutangazwa April 2 mwaka huu.

Wapiga kura wanamachaguo mawili kati ya rais al-Sisi na Moussa Mostafa Moussa ambaye alijiandikisha siku moja kabla ya kufungwa kwa zoezi la kusajili wagombea wa nafasi ya urais na kuepusha uchaguzi kuwa wa mtu mmoja.

Moussa ambaye amekanusha kuwa kibaraka wa Sisi, alikuwa mstari wa mbele kumpigia kampeni achaguliwe kwa muhula wa pili hadi pale alipotangaza kuwa nae ni mmoja wa wagombea watakaochuana na al-Sisi.

Wagombea wengine waliwekwa kando akiwemo aliyewahi kuwa mkuu wa masuala ya utawala jeshini Sami Anan ambaye alizuiliwa mwezi Januari punde tu baada ya kutangaza kuwa atawania urais.

Jeshi lilidai kuwa Anan alivunja sheria kwa kutangaza kuwania urais kinyume cha sheria.

Akihojiwa kwenye kituo kimoja cha televisheni kuelekea uchaguzi huu Sisi alidai kuwa kukosekana kwa wagombea makini wa kushindana nae hakuhusika katika kuwafanya wasiteuliwe kuwania.

“Natamani tungekuwa na mmoja, au wawili, au watatu au wagombea 10 makini na ukachagua yukle unayemtaka,” alisema Sisi.

Sisi alishinda muhula wake wa kwanza katika uchaguzi wa mwaka 2014 mwaka mmoja baada ya mkuu huyo wa majeshi kumuondoa madarakani mtangulizi wake Mohamed Morsi kulikotokana na maandamano ya nchi nzima kushinikiza kujiuzulu kwake.

Kuhusu mada hiyo hiyo
 
Samahani, mwunganisho na sava umeshindikana