Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 16/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Habari mpya kabisa
Afrika

Rais wa Zimbabwe atangaza Uchaguzi Mkuu kufanyika "kabla ya mwezi Julai"

media Rais wa Zimbabwe Emmerson Mnangagwa (kulia), Januari 24, 2018 Davos, Uswisi. AFP

Rais wa Zimbabwe Emmerson Mnangagwa ametangaza kwamba Uchaguzi Mkuu uliopangwa kufanyika mwaka huu nchini Zimbabwe unapaswa kufanyika "kabla ya mwezi Julai". Tangazo hili amelitoa leo Jumatano katika mkutano wa masuala ya kiuchumi unaofanyika Davos, nchini Uswisi.

"Mwezi ujao, nitaweza kutangaza tarehe ya uchaguzi, sifikiri kuwa utafanyika mwezi Julai, utafanyika kabla ya mwezi Julai," amesema Rais Mnangagwa, ambaye amemrithi Robert Mugabe mwezi Novemba.

"Wakati huu, uchaguzi wa Zimbabwe utakuwa wa wazi na wenye kuaminika," amesema. "Tunataka uchaguzi huru, wa wazi, na wenye kuaminika ambao hautagubikwa na vurugu," ameeleza Rais Mnangagwa.

Chaguzi zilizotangulia nchini Zimbabwe chini ya zama za Mugabe ziligubigwa na udanganyifu pamoja na vurugu nyingi.

Mnamo mwaka 2008, kiongozi wa upinzani Morgan Tsvangirai, aliyeongoza katika duru ya kwanza ya uchaguzi wa urais, alijiondoa kwenye kinyang'anyiro hicho kwa sababu ya ghasia dhidi ya wafuasi wake.

"Ikiwa tuna vigezo hivyo (vya uwazi na kutokua na vurugu), kwa nini tukatalie waangalizi wa kimataifa kuja katika nchi yetu? Umoja wa Ulaya unakaribishwa," amesema Emmerson Mnangagwa.

"Tunahitaji uchaguzi usio na vurugu. Sisi wanasiasa tunapaswa kuhubiri amani, amani, amani na sio vurugu," amesema.

Mnangagwa alichukua hatamu ya uongozi wa Zimbabwe mnamo mwezi Novemba baada ya kujiuzulu kwa rais Robert Mugabe, akishinikizwa na jeshi, maandamano na na chama chake, Zanu-PF, kumaliza utawala wake wa miaka 37 kama rais wa nchi hiyo.

Makamu wa zamani wa rais na mshirika wa karibu wa Mugabe, Bw Mnangagwa aliteuliwa kupeperusha bendera ya chama cha Zanu-PF katika uchaguzi wa urais. Chama hiki kinaongoza kisiasa nchini Zimbabwe tangu uhuru wa nchi hiyo mnamo mwaka 1980.

Kuhusu mada hiyo hiyo
 
Samahani, mwunganisho na sava umeshindikana