Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/01 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 16/01 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/01 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Umoja wa Afrika wamtaka rais Trump kuomba radhi kwa kuwadharau Waafrika

media Rais wa Marekani Donald Trump REUTERS/Carlos Barria

Umoja wa Afrika unamtaka rais wa Marekani Donald Trump kuomba radhi baada ya kutoa matamshi ya kibaguzi dhidi ya mataifa ya Afrika.

Uongozi wa Umoja wa Afrika umesema umesikitishwa sana na kushtushwa na matamashi ya Trump.

Kiongozi huyo wa Marekani alinukuliwa akiuliza ni kwanini wahamiaji kutoka mataifa ya Afrika aliyoyafananisha kama shimo la kutupa taka, wanaendelea kuja Marekani.

Ofisi ya Mwenyekiti wa Tume ya Afrika inayoongozwa na Moussa Faki Mahamat, imesema matamshi ya Trump yanawadharau watu wa Afrika pamoja na utu.

Aidha, Umoja huo unataka kuwepo kwa mazungumzo ya haraka na ya wazi kati ya Marekani na mataifa ya Afrika.

Taifa la Haiti pia limeguswa katika matamshi hayo ya rais Trump na kuyashtumu.

Botswana imemwita balozi wa Marekani nchini humo kufafanua matamshi hayo ya Trump.

Naye rais wa Senegal Macky Sall, amesema kauli ya Trump haikubaliki kamwe na kusisitiza kuwa Wafrikia wana haki ya kuheshimiwa.

Aidha, amemwagiza Balozi wa Marekani kueleza ni kwanini rais Trump alitoa matamshi hayo.

Tume ya Umoja wa Mataifa nayoshughulikia haki za binadamu pia imelaani matamshi ya Trump na kuyaita ya kibaguzi na ya aibu.

Hata hivyo, Trump kupitia ukurasa wake wa Twitter amekanusha kutoa matamshi hayo wiki hii alipokutana na wabunge, kujadili suala la wahamiaji.

Kuhusu mada hiyo hiyo
 
Samahani, mwunganisho na sava umeshindikana