Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Jeshi la Uganda ladai kuua waasi 100 wa ADF nchini DRC

media Gari la jeshi la Uganda likiegeshwa kwenye Mlima wa Rwenzori, karibu na eneo la Kichwamba (kusini magharibi mwa Uganda), karibu na mpaka wa DRC, Desemba 2015. Gaël Grilhot/RFI

Jeshi la Uganda linasema operesheni yake Mashariki mwa DRC dhidi ya waasi wa ADF NALU, imesababisha mauaji ya waasi zaidi ya 100.

Uganda ilituma jeshi lake nchini humo baada ya waasi hao kuwawa wanajeshi wa kulinda amani wa Umoja wa Mataifa mwezi huu wilayani Beni.

Jeshi la UPDF limekuwa likishirikiana na jeshi la DRC, FARDC , katika operesheni hiyo.

Mapema wiki jana jeshi la Uganda lilisema lilitekeleza mashambulizi kulenga kambi za waasi mashariki mwa nchi ya Jamhuri ya Kidemokrasia ya Congo.

Jeshi la Uganda lilisema kuwa baada ya kubadilishana taarifa za kiintelijensia kati yake na Serikali ya DRC walibaini mpango wa waasi wa ADF ambao hivi karibuni walishambulia kambi ya walinda amani, kuwa walikuwa wanapanga kutatiza usalama nchini Uganda.

Kwa mujibu wa umoja wa Mataifa waasi wa Uganda wa ADF ndio waliohusika na shambulizi na kuua walinda amani 14 wa Tanzania wiki mbili zilizopita.

Kundi la ADF lilianza kwa kujaribu kumpindua rais wa Uganda Yoweri Museveni ambaye walidai ni tishio kwa Waislamu lakini hata hivyo likajiunga na makundi mengine na kuanza kutekeleza mashambulizi mwaka 1995.

Baada ya kufurushwa na majeshi ya Uganda magharibi mwa nchi hiyo, kundi la ADF lilihamishia shughuli zake mashariki mwa nchi ya DRC.

Kundi hili pia linalaumiwa kwa shambulio dhidi ya walinda amani wa tume ya MONUSCO mwezi Octoba mwaka huu ambapo walinda amani wawili waliuawa na wengine 12 kujeruhiwa.

Kundi hili linatuhumiwa na Serikali ya DRC pamoja na tume ya umoja wa Mataifa nchini DRC MONUSCO kwa kuhusika na mauaji ya watu zaidi ya 700 mjini Beni tangu mwezi Octoba mwaka 2014.

Wapiganaji wengi kutoka kwenye kundi hili wanadaiwa kusajiliwa kutoka nchini Tanzania, Burundi, Kenya na hata ndani ya Somalia.

Ripoti mbalimbali zinaonesha kuwa kundi hilo linashirikiana pia na baadhi ya wanajeshi wa Serikali ya DRC katika kutekeleza mauaji mashariki mwa nchi hiyo.

Kuhusu mada hiyo hiyo
 
Samahani, mwunganisho na sava umeshindikana