Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Haraka
Kombe la Dunia 2018: Ureno yaicharaza Morocco 1-0. Timu ya taifa ya Morocco yaaga michuano baada ya kushindwa kwa mara ya pili mfululizo.
Afrika

Wahamiaji 3800 watakiwa kurejeshwa nyumbani kutoka Libya

media Wavulana hawa, wahamiaji haramu, wamewekwa kizuizini Tripoli, mwezi Juni 2017. Florian Gaertner/Photothek via Getty Images

Takriban wahamiaji 3,800 wa Kifrika walioko nchini Libya watarejeshwa nyumbani haraka iwezekanavyo. Kauli hii imetolewa leo Alhamisi na Mwenyekiti wa Tume ya Umoja wa Afrika (AU), Moussa Faki Mahamat, akibaini kwamba idadi ya jumla ya wahamiaji nchini Libya ni "kati ya 400,000 na 700,000."

Rais wa Ufaransa Emmanuel Macron, katika mkutano kati ya Umoja wa Ulaya na Umoja wa Afrika, alitangaza siku ya Jumatano usiku kuanza hivi karibuni kwa "shughuli ya dharura ya kuondoa" wahamiaji wanaouzwa na makundi ya biashara ya binadamu nchini Libya.

 

"Wahamiaji 3800" walioorodheshwa katika kambi moja "wanataka kuondolewa mara moja katika nchi hiyo, na wanapaswa kurejeshwa haraka, amesema Moussa Faki Mahamat wakati wa mkutano huo wa 5 ambao unamalizika leo mjini Abidijan,nchini Cote d'Ivoire.

"Lakini si kambi moja tu," amesema, huku akibaini kwamba "serikali ya Libya ilituambia kwamba kuna kambi 42. Kwa kweli kuna zaidi ya hizo. Inakadiriwa wahamiaji 400 000 na 700 000 walioko nchini Libya. " "Ni lazima kwanza kuondoa kwa haraka wale ambao wako katika hali hali hiyo na tunatafakari kwa pamoja, Libya, Umoja wa Ulaya, Umoja wa Afrika, Umoja wa Mataifa, ili kupata ufumbuzi wa kudumu zaidi kwa suala la uhamiaji," Bw Mahamat alisema akihitimisha.

Mkutano kati ya Ulaya na Afrika umemalizika leo Alhamisi mjini Abidjan kwa kauli moja tu ambapo viongozi kutoka mabara yote wamekubaliana kupambana dhidi ya uhamiaji haramu na matokeo yake kama kama vile masoko ya watumwa nchini Libya. "Hatua ya kibinadamu inapaswa kuchukuliwa haraka" nchiniLibya, "mitandao haramu ya kusafirisha au kufanya biashara ya binadamu inapaswa kuvunjwa" na "Uchunguzi wa (kimataifa) unapaswa kufanywa," amesema Rais wa Cote d'Ivoire, Alassane Ouattara, wakati wa kuhitimisha mkutano huo.

Kuhusu mada hiyo hiyo
 
Samahani, mwunganisho na sava umeshindikana