Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Emmanuel Macron: Tunalaani uhalifu dhidi ya binadamu unaoendelea Libya

media Rais wa Ufaransa Emmanuel Macron asem avisa vya utumwa vinavyoendelea Libya ni uhalifu dhidi ya binadamu. AFP/Julia Pavesi/Jerome Rivet/Katy Lee

Ufaransa imelaani visa vya utumwa vinavyoendelea nchini Libya na kuomba mkutano wa dharura wa Baraza la Usalama la Umoja wa Mataifa.

Rais wa Ufaransa Emmanuel Macron alitaja visa vya kuwauza wahamiaji kutoka Afrika kama watumwa Libya kuwa ni "uhalifu dhidi ya binadamu". Habari kuhusu visa vya kuwauza wahamiaji kama watumwa nchini Libya ilifichuliwa na kituo cha habari cha Marekani cha CNN.

"Hukumu ya Ufaransa haina rufaa" na "tunatakiwa kwenda mbali zaidi ili kuvunja mitandao" ya wafanyabiashara wa watu, aliongeza rais Macron baada ya kukutana katika ikulu ya Elysee na rais wa Guinea Alpha Condé, ambaye pia ni rais wa Umoja wa Afrika.

Wiki jana, kituo cha televisheni cha CNN kilifichua kuwepo kwa soko la watumwa karibu na mji wa Tripoli, hali ambayo ilishtumiwa katika Afrika na Ulaya.

Kwa mujibu wa rais Macron, "kilichofichuliwa" na CNN "ni wazi kwamba ni biashara ya binadamu. Ni uhalifu dhidi ya binadamu. Biashara hii haramu "ni uhalifu mkubwa zaidi" unaofanywa na "mitandao ya kigaidi". Biashara hii "inazalisha euro bilioni 30 kwa mwaka, kwa bahati mbaya inaathiri watu milioni 2.5 - na 80% ya waathirika ni wanawake na watoto," Rais Macron alisema.

Wakati huo huo, Ufaransa iliomba mkutano "wa dharura" wa Baraza la Usalama la Umoja wa Mataifa ili kujadili kuuzwa kwa wahamaji hawa nchini Libya.

Kuhusu mada hiyo hiyo
 
Samahani, mwunganisho na sava umeshindikana