Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 23/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 23/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 22/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Sudani Kusini yavutana na UN kuhusu nani alinde uwanja wa ndege wa Juba

media Walinda amani wa umoja wa Mataifa walioko nchini Sudan Kusini. Picha ya Maktaba 19 July 2016 UN Photo/Eric Kanalstein

Serikali ya Juba na walinda amani wa umoja wa Mataifa wameendelea kuvutana kuhusu nani mwenye mamlaka ya kuulinda uwanja wa ndege wa kimataifa wa Sudan Kusini.

Wanajeshi wa kulinda amani elfu 4 waliowasili hivi majuzi mjini Juba, Sudan Kusini wamekuwa wakilinda uwanja wa ndege wa kimataifa wa Juba hatua ambayo haijaungwa mkono hata chembe na Serikali.

Hapo jana msemaji wa rais Salva Kiir, Ateny Wek Ateny alisema Serikali yao haitakubali kuona inapokwa mamlaka ya kulinda uwanja wa ndege wa Juba, kwa kuwa suala hilo ni la mamlaka ya ndani na sio vikosi vya Kigeni.

Utawala wa Juba unasema vikosi hivyo havikupewa mamlaka ya kulinda uwanja wa ndege wa Juba badala yake vilipewa mamlaka ya kulinda raia kwenye mji huo na maeneo mengine ya nchi.

Kiongozi wa wanajeshi wa umoja wa Mataifa wanaolinda uwanja wa ndege wa Juba, David Sherer, amesema kuwa uwepo wao hauna maana yoyote mbaya kwa utawala wa Juba.

"Tuna ndege nyingi ambazo zinaruka na kutua hapa kwenye uwanja wa ndege wa Juba kupeleka misaada kwenye maeneo tofauti ya nchi lakini pia wanajeshi wetu wanasafirishwa kwa ndege hizo hizo". amesema David.

Sherer ameongeza kuwa "wanajeshi wetu wanajukumu la kufanya kila wawezalo kulinda raia wasishambuliwe na vikosi vya Serikali ama magenge mengine yenye silaha."

Hata hivyo uamuzi huu haujaifurahisha Serikali ya Sudan Kusini, ambapo kaimu msemaji rasmi wa jeshi la nchi hiyo, Lul Ruai Koang ambaye amesema wao kama wanajeshi wanaolinda uwanja huo ni lazima wajue walinda amani hao wanaleta nini nchini humo.

Wadadisi wa mambo wanaona kuwa mvutano huu huenda ukachelewesha pia kuwasili kwa wanajeshi wote elfu 4 wanaotakiwa kuwa wamewasili nchini humo kulinda amani chini ya azimio la baraza la usalama la umoja wa Mataifa.

Kuhusu mada hiyo hiyo
 
Samahani, mwunganisho na sava umeshindikana