Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Habari mpya kabisa
  • Mkasa wa moto California: Idadi ya vifo yaongezeka na kufikia 63 na zaidi ya watu 600 watoweka (mamlaka)
Afrika
DRC

CENCO yaomba kuachiwa kwa mapadri wawili waliotekwa nchini DRC

media Mwenyekiti wa baraza hilo la kanisa Katoliki nchini DR Congo, Askofu Marcel Utembi REUTERS/Robert Carrubba

Baraza Kuu la maaskofu wa kanisa Katoliki nchini DR Congo (CENCO) limelaani kutekwa kwa mapadri wawili wa kanisa Katoliki wa Parokiya Notre-Dame des Anges de Bunyuka, dayosisi ya Beni katika mji wa Butembo, mkoa wa Kivu Kaskazini.

Katika taarifa iliotolewa siku ya Jumatatu, baraza hilo limelaani vikali kitendo hicho cha utekeji nyara pamoja na hali ya usalama mdogo inayoendelea mashariki mwa Congo na hivyo kuwatolea wito viongozi wa serikali kutekeleza jukumu lao ambalo ni kuwalindia usalama wananchi wake.

Baraza hilo linamewaomba viongozi wakuu katika vikosi vya ulinzi na usalama kuhakikisha wamewakomboa mapadri hao na kuusambaratisha mtandao unaohusika na utekaji nyara ambao unayumbisha usalama katika maeneo ya Beni.

Mbali na ombi hilo la kuwakomboa ma Padri Charles Kipasa na Jean-Pierre Akilimali, baraza hilo limevitaka vikosi vya usalama kuwakomboa pia makuhani Jean Pierre Ndulani, Edmond Kisughu na Anselme Wasukundi, waliotekwa nyara tangu mwezi Octoba mwaka 2012 katika wilaya ya Beni na ambao hadi sasa hawajaachiwa huru.

Taarifa hiyo iliosaniwa na Mwenyekiti wa baraza hilo la kanisa Katoliki nchini DR Congo, Askofu Marcel Utembi, imekumbusha kuwa makuhani ni watu wa Mungu, waliojitolea maisha yao kwa ajili ya kuwatumikia wananchi bila kuwa na agenda yoyote ya kisiasa, hivyo kuwafanyia unyama ni kuathiri jamii nzima wanayohudumia.

Watu wenye silaha ambao hawajulikani bado, wamewateka mapadri Pierre Akilimali na Charles Kipasa, katika usiku wa Jumapili kuamkia Jumatatu wiki hii katika aneo la Beni hadi sasa haijulikani walipo.

Kuhusu mada hiyo hiyo
 
Samahani, mwunganisho na sava umeshindikana