Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Asasi za kiraia zataka IGAD imalize mzozo wa Sudan Kusini

media Kambi ya Ngomoromo katika Wilaya ya Lamwo Kaskazini mwa Uganda, inayowapa hifadhi wakimbizi kutoka Sudan Kusini REUTERS/Stringer/File photo

Marais na wawakilishi wa serikali kutoka Mataifa ya Afrika Mashariki katika muungano wa IGAD, wanakutana jijin Addis Ababa nchini Ethiopia kujadili hali ya usalama na wakimbizi nchini Sudan Kusini.

Waziri Mkuu wa Ethiopia Hailemariam Desalegn ambaye pia ni Mwenyekiti wa IGAD anaongoza mkutano huo kujaribu kutafuta suluhu ya kuwasaidia maelfu ya raia wa nchi hiyo wanaoteseka lakini pia kumaliza vita nchini humo.

Hata hivyo, rais Salva Kiir alikataa mwaliko wa kushiriki katika mkutano huo na kumtuma Makamu wake Taban Deng Gai.

Ikulu ya Juba imeripoti kuwa rais Kiir ana majukumu mengine muhimu yanayomfanya kutohudhuria mkutano huu.

Mashirika ya kutetea haki za Binadamu na asasi zingine za kiraia kama Enough Project, yanatoa wito kwa IGAD kuanza kufikiria mbinu mpya ya kumaliza vita vinavyoendelea.

Mkurugenzi Mkuu wa asasi hiyo Jon Temin, amesema kuwa mkutamo huu ni muhimu sana na unatoa nafasi kwa IGAD na Jumuiya ya Kimataifa kumaliza kabisa mzozo wa Sudan Kusini.

Mkataba wa amani kati ya rais Kiir na kiongozi wa waasi Riek Machar uliotiwa saini mwaka 2015, ulivunjika na kusababisha kuendelea kwa vita vinavyoendelea hadi sasa.

Rais Kiir mwezi uliopita alizundia mazungumzo ya kitaifa nchini humo na kutangaza kumalizika kwa vita, hata hivyo mapigano yameendelea kushuhudiwa nchini humo.
 

Kuhusu mada hiyo hiyo
 
Samahani, mwunganisho na sava umeshindikana