Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Rais mpya wa Gambia kurejea nyumbani siku ya Alhamisi

media Rais wa Gambia Adama Barrow MARCO LONGARI / AFP

Rais mpya wa Gambia Adama Barrow anatarajiwa kurejea nyumbani siku ya Alhamisi, baada ya kiongozi wa zamani Yahya Jammeh kuondoka nchini humo kwenda kuishi nchini Equitorial Guinea.

Mai Fatty msemaji wa rais Barrow ambaye amekuwa akiishi nchi jirani ya Senegal alikoapishwa, ameliambia Shirika la Habari la Ufaransa AFP kuwa rais huyo mpya atarejea nyumbani ili kuanza rasmi majukumu ya kuliongoza nchi hiyo.

Aidha, Fatty amesema rais Barrow anatarajiwa kuwasili jijini Banjul Alhamisi mchana akitokea jijini Dakar.

“Ndio, kesho mchana atawasili,” Fatty ameliambia Shirika la AFP.

Barrow aliyeshinda Uchaguzi wa mwezi Desemba mwaka uliopita, alisema hawezi kurejea nyumbani hadi pale atakapopewa idhini na jeshi la Umoja wa nchi za Afrika Magharibi ECOWAS ambalo kwa sasa lipo jijini Bajul kuhakikisha kuwa kuna usalama hasa katika Ikulu na makaazi ya rais.

Maelfu ya raia wa Gambia ambao walikimbilia katika nchi jirani ya Senegal, wameanza kurejea nyumbani baada ya Jammeh kuondoka wiki iliyopita.

Jammeh alilazimika kuondoka nchini humo baada ya kutishiwa kuondolewa kwa nguvu na jeshi la ECOWAS lakini pia baada ya marais wa Mauritania na Guinea, kuingilia kati mzozo huo na kumshawishi kuondoka nchini humo na kukabidhi madaraka.

Kuhusu mada hiyo hiyo
 
Samahani, mwunganisho na sava umeshindikana