Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 23/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 23/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Ivory Coast: Simone Gbagbo agoma kufika mahakamani, yasema itaendelea na kesi bila uwepo wake

media Aliyekuwa mke wa Laurent Gbagbo, Simone Gbagbo, akiwa mahakamani, Juni 30, 2016. ISSOUF SANOGO / AFP

Kesi ya uhalifu dhidi ya binadamu inayomkabili aliyekuwa mke wa rais wa Ivory Coast Laurent Gbagbo, Simone Gbagbo, itaendelea bila ya yeye mwenyewe kuwepo mahakamani, huku maofisa wa mahakama wakimchaguliwa mawakili, amesema rais wa mahakama ya Assize, Jaji Boiqui Kouadjo.

Jumatano ya wiki hii, Simone alikataa kufika mahakani sambamba na mawakili wake, ambapo kwenye uamuzi wake Jaji Kouadjo, alisema kesi hiyo inaweza kuendelea bila ya uwepo wake ili kutoa nafasi ya majadiliano kuendelea.

Jaji Kouadjo amechagua jopo la mawakili watakaomuwakilisha na kupanga tarehe nyingine ya kusikilizwa kwa kesi hiyo kuwa ni Novemba 8.

Kwa mujibu wa barua aliyoiandikia mahakama Jumanne ya wiki hii, Simone Gbagbo alikataa kufika mahakamani Jumatano, barua yake ilisema "sihitaji kuonana na wewe na wala sina haja ya kujua mazungumzo yanahusu nini." ilisema barua yake kwa mahakama.

Mpaka sasa Simone ameshakataa mara kadhaa kutokea mahakamani kwa kile alichokosoa ni kutoonekana kwa mashahidi wanaomtuhumu kuhusika na kuamrisha mauaji dhidi ya waandamanaji.

Simone pia anapinga uwepo wa mashahidi kadhaa kwenye kesi yake kama kiongozi wa kundi la waasi wa zamani wa nchi hiyo, Guillaume Soro, waziri mkuu wa zamani Jeannot Kouadio na na waziri wa zamani Charles Koffi Diby.

Sheria za mahakama kuu nchini Ivory Coast zinamruhusu rais wa mahakama hiyo kuchagua mawakili watakaomuwakilisha mtuhumiwa hata bila ya yeye mwenyewe kuwepo mahakamani.

"Ni yeye mwenyewe ndio amemua kutotokea, tutaendelea bila ya uwepo wake, ameongea kwa kirefu, mawakili wake pia, toka ilipoanza kesi hii May 31," alisema mwendesha mashtaka Aly Yeo.

Kuhusu mada hiyo hiyo
 
Samahani, mwunganisho na sava umeshindikana