Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Burkina Faso: mashambulizi ya jeshi dhidi ya RSP yamalizika

media Askari polisi akipiga doria karibu na kambi ya NAABA Koom, Septemba 29, 2015. REUTERS/Arnaud Brunet

Baada ya siku nzima ya wasiwasi Jumanne wiki hii, wanajeshi wa kikosi cha zamani cha ulinzi wa Rais waliokimbilia katika kambi moja ya mji mkuu wa nchi hiyo Ouagadougou hatimaye wamekubali kuweka chini silaha.

Jumanne jioni wiki hii jeshi linalounga mkono serikali ya mpito limeendesha mashambulizi katika kambi walikokimbilia wanajeshi wa kikosi cha zamani cha ulinzi wa Rais, baada ya kuzingira kambi hiyo mapema Jumanne asubuhi Septemba 29.

" Kwa sasa tunadhibiti kambi ya NAABA Koom II ", Idara ya mawasiliano ya vikosi vya jeshi la Burkina Faso imesema Jumanne jioni. Mashambulizi ya vikosi vinavyounga mkono serikali ya mpito dhidi wanajeshi wa Kikosi cha zamani cha ulinzi wa Rais yameendeshwa Jumanne alasiri wiki hii. Jeshi limeshambulia kwa makombora kambi walikokimbilia wanajeshi wanaopinga zoezi la kupokonywa silaha. Baada ya jitihada ya kuhimili mashambulizi ya nchi kavu, vikosi vinavyounga mkono serikali ya mpito hatimaye vilitumia uwezo mkubwa kwa kuwadhibiti wanajeshi wa kikosi cha zamani cha ulinzi wa Rais (RSP).

Kwa mujubu wa mkuu wa zamani wanajeshi wa kikosi cha zamani cha ulinzi wa Rais (RSP), jenerali Gilbert Diendéré, mashambulizi hayo yalidumu saa mbili. Mkuu wa majeshi amethibitisha kwamba operesheni katika kambi walikokimbilia wanajeshi wa zamani wa kikosi cha ulinzi wa Rais yalimalizika bila upinzani mkubwa.

Hakuna ripoti yoyote ya operesheni hiyo ambayo imekwishapatikana. " Tunatsubiri kurudi kwa askari wa nchi kavu ili tuweze kujua hasara iliyotokana na mashambulizi hayo ", Idara ya mawasiliano ya jeshi la Burkina Faso imeongeza. Akihojiwa na RFI, Gilbert Diendéré amesema wito wake umeitikiwa na wanajeshi ambao wamekua bado wakipinga kuweka chini silaha. Kabla ya mashambulizi ya vikosi vinavyunga mkono setikali, jenerali Gilbert Diendéré aliwataka wanajeshi wa kikosi cha zamanicha ulinzi wa Rais (RSP) kusalimisha silaha na kuziweka mikononi mwa jeshi la ulinzi wa taifa.

Kuhusu mada hiyo hiyo
 
Samahani, mwunganisho na sava umeshindikana