Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Habari mpya kabisa
Afrika

Kenya : takriban mateka 147 wauawa katika Chuo kikuu cha Garissa

media Maafisa wa Idara za huduma za Dharura wakimuokoa mwanafunzi aliyejeruhiwa katika shambulio dhidi ya Chuo Kikuu cha Garissa, shambulio ambalo limedaiwa kutekelezwa na kundi la Al Shebab kutoka Somalia. CARL DE SOUZA / AFP

Serikali ya Kenya imetangaza kwamba zaidi ya mateka 147 waliokua wakishikiliwa tangu Alhamisi asubuhi wiki hii katika Chuo kikuu cha Garissa, mshariki mwa Kenya, wameuawa.

Serikali ya Kenya imefahamisha pia kwamba watekaji nyara wanne wameuawa na vikosi vya usalama. Katika shambulio hilo watu zaidi ya 80 wamejeruhiwa.

Awali, waziri wa mambo ya ndani, Joseph Nkaiserry, alisema kuwa watu 15 waliuawa na wengine zaidi ya 50 walijeruhiwa katika shambulio lililoendeshwa na watu wenye silaha katika Chuo kuu cha Garissa, Mashariki mwa Kenya, kilomita 150 na mpaka wa Somalia.

Serikali ya Kenya imemtaja Mohammed Kuno ambaye anajulikana kwa jina la Gama Adhere kama mshukiwa aliyepanga shambulio hilo, ambalo limegharimu mpaka sasa maisha ya watu 147.

Serikali ya Kenya imetoa zawadi nono ya dola 53,000 kwa atakayemkamata Mohammed Kuno au atakayetoa taarifa kuhusu mshukiwa huyo.

Wakati huohuo Rais wa Kenya Uhuru Kenyatta, ametuma risala za rambi rambi kwa familia za watu waliouawa katika shambulio lililotokea katika chuo kikuu cha Garissa mashariki mwa Kenya.Rais Uhuru Kenyatta pia amewahakikishia raia wa Kenya kuwa serikali yake imechukua hatua ya kuongeza vikosi vya usalama katika eneo hilo.

Rais Kenyatta amewatolea wito raia wa Kenya kuwa watulivu, wakati vikosi vya usalama vikiendelea na operesheni ya kuwaska washambuliaji.

Kwa mujibu wa vyombo vya habari vya Kenya, shambulio hilo lilianza saa za swala mapema asubuhi, kwenye majira ya saa kumi na moja na nusu leo Alhamisi. Idadi ya watu walioendesha shambulio hilo haijajulikana

Kwa mujibu wa gazeti la Kenya la The Standard, wanafunzi waliofaulu kuondoka chuoni hapo, wamesema waliwaona watu watano wenye silaha.

Kwa mujibu wa polisi ya Kenya, watu hao wenye silaha, walianza kufyatua risase walipoingia chuoni hapo.

Kundi la Al Shabab limekiri kutekeleza shambulio hilo. Kwa mujibu wa mashahidi, wakati watu wenye silaha walipoingia katika Chuo kikuu hicho walikua wakiwatenganisha wanafunzi kufuatia imani zao, huku wakristo wakiuawa.

Hili ni shambulio baya kuwahi kutokea katika ardhi ya Kenya tangu shambulio dhidi ya ubalozi wa Marekani mjini Nairobi mwaka 1998.

Kuhusu mada hiyo hiyo
 
Samahani, mwunganisho na sava umeshindikana